قصيده لمولد الامام الحسين و العباس بوفاضل سلام الله عليهم
- - - [ المستهل ] - - -
قلبي عاشق اثنين
ابوفاضل و الحسين
ابو فاضل وخيّه
- - - [1] - - -
ما اجامل من احب لا ما اجامل
خلهم يقولون عني ماهو عاقل
آنا احب احسين والكافل بوفاضل
جاهل اللي مايحبهم والله جاهل
نبضي قلبي و العين
ابوفاضل و الحسين
ابو فاضل وخيّه
- - - [2] - - -
ما أدُور وما الف احچي بصراحه
حسين ذكره يشفي قلبي من جراحه
اليلهج اسمه بالصّبح محلا صباحه
حسين يجبر طير مكسور بـجناحه
عاشق آنا الاسمين
ابوفاضل و الحسين
ابو فاضل وخيّه
- - - [3] - - -
من تحب من هالبشر ؟ قالوا لي هالناس
وقلبي جاوبهم احب حسين و عباس
حقّه كل واحد يحبهم يرفع الراس
نعمه حبهم وبقلبهم طيبه واحساس
عاشقهم من سنين
ابوفاضل و الحسين
ابو فاضل وخيّه
- - - [4] - - -
آنا اعوف حسين هـٰذي مستحيله
لو اتركه روحي من بعده عليله
احنا كلما ننكسر منهو النجي له؟
احنا غير حسين ماعدنا وسيله
ماعندي سوى اثنين
ابوفاضل و الحسين
ابو فاضل وخيّه
- - - [5] - - -
والقمر بو الغيره كل الخير بيده
دام احبّه يعني ايامي سعيده
كل قصيده باسمه محلاها القصيده
ياهلا ومية هلا يبن الصميده
منهو الثّبت الدّين
ابوفاضل و الحسين
ابو فاضل وخيّه
- - - [6] - - -
آنا مَنْك اتعلّمت معنى الأخوّه
ياللي تنبض غِيره واحساس و مَرَوّه
اخدمك يا سيدي والخدمه تسوى
هذا دمي هذي روحي خذها فدوه
ياعشق الملايـيـن
ابوفاضل و الحسين
ابو فاضل وخيّه
- - - - - - - - - - - - -
خادم الزهراء اسامة محمد الناصر