إلى السلطان الرؤوف العطوف
كل عمري أتمنه ... يم قبرك اتعنه
واقبلني طير ابحضرتك يا ضامن الجنه
***
آنه المحب وبمولدك تسمع هتافاتي
لك من قـلب ذايب عشـگ أبعث تحياتي
يا ماضي اسنين العمر وانته الذي آتي
ما غير حبك يالرضا متسلطن ابذاتي
ميلادك أحياني .... وانزاحت احزاني
من حگه گلبي ابمولدك هاليله يتغنه
***
ظلمه حياتي وانته لي بالظلمه مصباحي
وبمولدك نلت المنه وازدانت افراحي
لو أنه طير ولك يصح هالساعه مرواحي
چان اعله قبرك سيدي أتهادى بجناحي
وبصحنك الغالي ... تتحقق امالي
و أبقى أحوم ابمرقدك هيهات امل منه
***
مثل الشموس المشرقه تتشعشع انوارك
زوار حتى امن السمه كل ليله بجوارك
وياما ملايين البشر تتعنه زوارك
بس انه ما أدري اشسبب ما أوصل الدارك
من كل شخص زارك .. أسأل عن اخبارك
وأتمنى زاير أقصدك وبقربك أتهنى
آنه العليل بكل مرض وانت التشافيني
ماغيرك بنص القلب وماغيرك بعيني
بعيد المدى وبر وبحر مابينك وبيني
وديني يمك يالرضا أرجوك وديني
يامن الك حبي .. طول صبر قلبي
وقلبي يريد زيارتك لو ناشدت عنه
انت اللي بسمك يالرضا تتداوى علّاتي
وانت اللي عنك كل وقت تتحچى نبضاتي
لو ماأزورك للأبد تبقى معاناتي
حتى القيامة بمهجتي ماتطفى حسراتي
حين اللي تسمعني .. ماظن تخيبني
حاشاك ياشبل النبي متخيب الظنه
للشاعر زيد علي العبدني
اللهم صل على محمد وآل محمد وعجل فرجهم
نسألكم الدعاء