اِلـْما يعرف علي هالليله اعلمنّه
هُوّه النار و الجنه
و هوّه الشيعه و السنه
علي رضعينه حبه من ثدايه أمنه
علي يجري اِبْعِرِگ دمنه
علي فانوس جدّتنه
علي كل التجاعيد الشريفه اِبْچف ابوي اليسره و اليمنه
علي لمن حبينه اِبيا علي گمنه
علي المشموم و الحِنّه
عَلَيْ الهاون و دَگ الهيل و دعوة ليل بيه اُمنه تحرّزنه
علي الاول
علي الأكمل
علي روح النبي المرسل
علي الانزل
علي المُنزل
علي بصوته الوحي اترتل
علي ما يوم خاف و ذل
علي الأمثل
عسل حبه و غرام الخالفه الحنظل
علي التفصيل و المجمل
علي بعين العلي الاجمل
علي القابض اذا دمدم
علي البلسم
علي اسماعيل وي زمزم
علي الحاضر لابن مريم
علي اسم الله الأعظم
علي ما يوم رد سائل
علي چفين ابو فاضل
علي الكافل على الكامل علي الفاصل على الواصل
علي مِن العرش نازل
علي الآيات و التوراة و الإنجيل و المنحول و الناحل
علي النخوه و علي التچوه
تمام الدين و التّقوه
ابو الليثين و اللبوه
تشهد احد وشسوّه
علي بس يشبهه هُوّه
ابو اليمه
و ابو الذمه
تمام الدين و النعمه
جبل و الريح مَتْهمه
علي ما تبهره اللمه
علي اول خليفه اعيونه عالايتام موش اعيونه عاللقمه
علي المو يُمّه كلش الله مو يَمّه
علي تلگاه الوحده موش بالزحمه
علي توقيع باچر مرتبط باسمه
علي الجنه بشرط ختمه
و بس موالي حيدر منوصف طاهر حليب امه
علي سر العلي و عينه
علي الرحمات بيمينه
علي الزيتونه و التينه
علي حُب فاضل الطينه
علي آصف
علي الخاصف
علي الخاسف
علي اللي يرجف الما راجف
عله حروفه العرش واگف
علي اِلـْكل الكرب كاشف
علي الما فر
و لا ادبر
علي هذا علي حيدر
و الما يعرف الكرار يحلم يدخل الجنه
ابو تراب الاحسائي
أداء دانيال بوجبارة
اللهم صل على محمد وآل محمد وعجل فرجهم
نسألكم الدعاء
نسألكم الدعاء