اذكرني يرايح للزياره
من تنظر القبه و المناره
••••••
يقاصد كربلا وصّل سلامي
الى حضرة ابو الأكبر إمامي
واريد اتوصّل اجنوني و هيامي
ودمعة شوقي مختصره كلامي
دعوه و حق فاطمه الزهره
تاخذني من حضره لـ حضره
والدعوه من فاطم بشاره
من تنظر القبه و المناره
••••••
وينه اللي يزف ليّه البشاير
وياخذني مع الزوار زاير
بلا جنحان قلبي صبح طاير
حمامه عالقباب و عالمناير
مشتاق و جنحاني كسيره
ويجبرني بس شيخ العشيره
بشّرني يازاير بشاره
من تنظر القبه و المناره
••••••
أتيه وبس درُب لِحسين ادلّه
انا المشلوع قلبي من محله
وانا المحتاج شباچه و أقبله
كثر ما سلم الباري و صلّى
إدعي تحت قبْته الشريفه
يكتبني هالأيام ضيفه
طلبه توصلني لداره
من تنظر القبه و المناره
••••••
يزاير يالخذت بالحضره صوره
خذيت ارويحتي و قلبي ابشعوره
طلب ادعي لي اتوفّق و ازوره
و أقبّل عتبته وحضرته و سوره
هايم انا واطلب حنانه
وخايف انا ولذت بأمانه
وصل له شوقي بكل حراره
من تنظر القبه و المناره
••••••
ي زاير طلبه خذني هالمسيه
أزور الأضرحه بالغاضريه
واوجه كل سلامي والتحيه
الى حسين والى العباس اخيّه
ارد ألثم آنا هالضريحين
ويتسجل اسمي (زاير حسين)
يكتبني دمعي لو تجارى
من تنظر القبه و المناره
••••••
عون البن أحمد
الى روح والدي و اختي ،، (الفاتحة مع الصلوات)
اللهم صل على محمد وآل محمد
نسألكم الدعاء