الله مع المعرس الله معاه
يانجمتين اسهيل سيري وراه
*******
معرس يحلو الطول متهني بعد
نثرو ورد وزهور في عرس الولد
عرسك بالمبارك ياطير السعد
يحرسه إله الكون ويبارك خطاه
*******
متباركه أمه وخواته بزفته
ولحباب ملتمه وتشارك زفته
عرس الفرح والهنا ونهني أمريته
وأمه تهلهلل له وخواته وراه
*******
ماخذ من أحبابه موماخذ غرب
طوله نبع ريحان محبوب القلب
نفرش ورد وزهور له طول الدرب
نزفه إلى عروسه وأحبابه وياه
*******
نزفه إلى عروسه بفرحه وسرور
عنينا إلى عرسك يابدر البدور
علقنا الزينه وفوحنا البخور
ورشينا ماي الورد وقسمنا النثور
الله ورسول الله وي علي معاه
اللهم صل على محمد وآل محمد وعجل فرجهم
نسألكم الدعاء