علي ياصاحب العين الكحيلة
فديتك روحي لعيونك قليلة
ياغزال القلب يامن تمشي بهونك
قلوب تركض من وراك ومايلحقونك
تصيد كل الناس وانت المايصيدونك
انجنت الدنيا بهواك وصرت مجنونك
ارفق بحالي يلني اليوم مرهونك
يراعي المرجلة وراعي الفضلية
دخيلك ياعلي حامي دخيله
يغزال بعينه حجل ظبية الوادي
والرمد بيها شحلوها والكحل بادي
شلون لوما الرمد صابك ياوصي الهادي
سهام تقتل نظرة .. نظرة ريت بفادي
يوم أموت بنظرة منك عيد ميلادي
انكتب اسمك علي بنوع الفصيلة
ياأجمل من ذبح بالحب قتيلة
أكبر وبعيوني تكبر يا أعز ناسي
صرخة من أمي اسمعتها ابأول أنفاسي
تنبهت تعالدنيا بيها ودقت أجراسي
ومن صرت طفل اكتبتها ابوسط كراسي
وتبكه عكازي امن اقوم وشيبتي براسي
طويلة قصتي بحبك طويلة
علي ومنها انخلق قيس ويا ليلة
مجمل أوقاتي اشغلتها ليلي وانهاري
هاجس الروح اصبحت ياجنتي وناري
أشعر بحبك غمرني وأنظم أشعاري
عني اسأل أصدقائي وعيلتي وجاري
مغرم وبسمك حبيبي شاعت أخباري
مثل حب البداوة المامثيله
خبر حبي انتشر بين القبيلة
****
شاعت أخباري بمحبتك وامست حچاية
والعواذل حچو عني وعنك هوايه
لاچن المد مايهمني اشما علا مايه
انته شاطئ الحب يحيدر وانته مرسايه
علي ماينلام قلبي عذري ويايه
ياللي رب القدرة صاغك بالحسن آية
الحسن ليك اتخذ كل الوسيلة
يامنبع واحته وسعفه ونخليلة
أسامة العامر ١٤٢٧ - أداء السيد محمد المكي
اللهم صل على محمد وآل محمد وعجل فرجهم
نسألكم الدعاء