شعندك عايش بدنياك وما عندك ابوصالح
@@@@
احنه نرتوي بعباس
وتركع انته عالقطرة
يبقى امن العطر محروم
كلمن عاند الزهرة
يكفي اليسأل شعندي..إذا أخلي يدي بخدي...يجي ويضمني المهدي
شعندك انته يا مسكين
وما عندك ابوصالح
@@@@@
يهاللي بالظلام تعيش
وصوتك ماحد ايسمعه
علي جاب الشمس إلنه
وخلك انته عالشمعة
منو تحكي له موضوعك...منو يمسح لك ادموعك...بكرة تنطفي شموعك
ومنو يضوي لك الظلمة
وما عندك ابوصالح
@@@@
يالما تدري وين اتروح
كلما توقع بحاجة
ترى حتى المرض يدري
بكف المهدي اعلاجه
تذل نفسك على البيبان...وبس المهدي رفعة شان...واحنه نلبس التيجان
منو يقضي لك الحاجة
وما عندك ابو صالح
-------------
حسن طاهر المعيبد
اللهم صل على محمد وآل محمد وعجل فرجهم
نسألكم الدعاء