---------
هوسات في ذكرى ميلاد الأمير (ع)
قسم لو ما علي ما تنهزم لحزاب
اوجا ماكو علي ابخيبر قِلع للباب
أبو اتراب اوتباهى ابـ هالإسم لتراب
بس حيدر إسمه .. أغلى امن النسمه
والكعبه أمه .. بيْه طلكت هالليله
&&&&&
بالشجاعه علي عيب أحجي عليْه
والشجاعه علي ربَّاها اعله اِدَيْه
طاح مرحب كبُل هوه ما يِجِيْه
عزريل ابسيفه .. والحومه ابكيفه
اِيْمَيِّلْها ابطيفه .. وابجفّه ايساويها
&&&&&
لا عذّب اللهُ أمي لنها غذّتني
حب المرتضى واعليْه وصَّتني ..
لتعوفن علي لاخِر نِفَس يبني
وآنه للتالي .. ما أعوف الغالي
اوعلّمْت اعيالي .. بس حيدر يسوى الحُب
&&&&&
خادم الأمير (ع) : إبراهيم الدريس
1439ه – 2018م
-------------------------------------
أبوذيات في رحاب أمير المؤمنين علي بن أبي طالب (ع)
يصاح اللّيله كِل لهموم .. إنسه
لأَنْها الكِل كلُب محزون .. أُنسه
اولأَنَّ الكون جِنَّه ابتِهَج .. وِنسه
ابولادَة حَيدره حامي الحمِيَّه
********
يحيدر ما أحَد غيرك .. وِلي لي
أوذجرَك زادي ابصُبحي .. وَليلي
ضياك ابكِل كتِر يضْوي .. اويلالي
وانته يا علي روحي اللِّي بِيَّه
********
إِلْـــــ كِل البَشَر صاير .. علي دار
اولِسانه بالحِكَم دايِم .. علي دار
يِدور الحق إذا حيدر .. علي دار
والباطِل شِرَد من شاف ضَيَّه
********
خادم أمير المؤمنين علي بن أبي طالب (ع) : إبراهيم الدريس